Le mpelasonto iqukethe imidlalo eshubile kwiDStv Premiership nakwi-English Premier League. IGibela Sport ikuthiphisa ngemidlalo emine okumele uyiqaphe kule mpelasonto.
Le mpelasonto iqukethe imidlalo eshubile kwiDStv Premiership nakwi-English Premier League. IGibela Sport ikuthiphisa ngemidlalo emine okumele uyiqaphe kule mpelasonto.
NgoMgqibelo
Orlando Pirates vs Mamelodi Sundowns (15:30)
Kuzobe kungokwesihlanu lawa maqembu engqubuzana kule sizini. ISundowns inqobe imidlalo emibili edlule bebhekene, nokuzokwenza abaningi bekholwe wukuthi izowunqoba kalula lo mdlalo njengoba isinqobe imidlalo ewu-14 kulandelana. NePirates iza kahle selokhe kuqale unyaka omusha nokho njengoba isinqobe imidlalo emithathu futhi ibukeka isiyilungisile inkinga yayo yendlala yamagoli phambili.
Tip: Ngicabanga ukuthi iSundowns ngeke ikhululeke ngendlela evame ukukhululeka ngayo kweminye imidlalo yeDStv Premiership kulo mdlalo. Ngizohamba ne-double chance: Orlando Pirates win or draw.
Wolves vs Liverpool (17:00)
Kuphele leli sonto umqeqeshi weLiverpool uJurgen Klopp ehleka yedwa kulandela ukubuya kukaVirgil van Dijk noFirmino kwi-training, okusho ukuthi maningi amathuba okuthi badlale kule mpelasonto. ILiverpool isihluleke ukubuya ne-win imidlalo emithathu kulandelana kwiPremier League osekuyibeke kunombolo 9 kwi-log. Noma sebebuyile abanye abadlali abalimele, bazobhekana neWolves eshintshile kakhulu njengoba ithezile kwiwindi langoJanuary. Kumele ilindele umdlalo onzima njengoba leli qembu lizama ukubalekela izembe.
Tip: Ingashayeka iLiverpool kulo mdlalo kodwa ezikaKlopp uma zihlangene kahle zisasidedela isibhaxu. Ngizohamba nemakethe yamagoli: over 1.5 goals.
NgeSonto
TS Galaxy vs Kaizer Chiefs (15:30)
Ngeledlule iTS Galaxy inqobe umdlalo wayo wesine emdlalweni ewu-19 kule sizini ibhaxabula iGolden Arrows ngo 4-0. NeChiefs yabuya nomphumela omuhle iginqa iRoyal AM ngo 2-0, iqala ukuwina nonyaka. Ngesikhathi egcina ukubhekana lawa maqembu umdlalo waphela zibambene ngo 2-2.
Imidlalo emningi phakathi kwalawa maqembu ivame ukuphela nge-draw. IChiefs nokho isembhidlangweni wokuzama ukuqeda kunombolo 2 kule sizini ngakho iwadinga wonke amaphuzu, kanti neGalaxy isele ngephuzu elilodwa kuphela kwi-top 8.
Tip: Ngildendele enye i-draw kulo mdlalo.
Tottenham vs Manchester City (18:30)
Emdlalweni wokugcina phakathi kwalawa maqembu obungenyanga edlule, iMan City ijikele iSpurs njengotshwala esiswini ibuya kade ingemuva ngo 2-0 yanqoba ngo 4-2. Konke lokho kwenzeke e-Etihad Stadium nokho, kulokhu iSpurs izobe idlalela ekhaya. IMan City ibukeka izimisele ukuqinisa umgqigqo wokuzama ukuvikela isicoco sayo emasontweni edlule njengoba isinqobe imidlalo emithathu kwemihlanu edlule. ITottenham ngakolunye uhlangothi nayo izama ukuqinisekisa ukuthi izophelela endaweni yeChampions League. Ukushaya iCity kuzoyisondeza kwi-top 4.
Tip: Ngingathuka uma iSpurs ingavuma ukushaywa kabili yiqembu elilodwa esikhathini esingaphansi kwenyanga, kodwa ke idlala neCity kulo mdlalo. Ngizongena kwimakethe yamagoli; over 2.5.
Khonamanjalo, ungakhohlwa imidlalo yeHollywoodbets Super League ekhuza ibuya kule mpelasonto!
